ಕೆರೆಹೊ೦ಡ ದಿವಾಕರ ಹೆಗಡೆಯವರ ಸ೦ವಾದ ಸಹಿತವಾದ ಸುಂದರ ಪ್ರಸ೦ಗವಾದ "ಮೋಹಮೇನಕೆ" ಯು ಮ೦ಟಪ ಪ್ರಭಾಕರ ಉಪಾಧ್ಯ ಮತ್ತು ಅನ೦ತಪದ್ಮನಾಭ ಪಾಠಕ್ ಇವರ ಜ೦ಟಿ ನಿರ್ದೇಶನದಲ್ಲಿ ೭೫ ಪ್ರದರ್ಶನಗಳಾಗಿ, ೭೬ನೇ ಪ್ರಯೋಗವು ವಿಶೇಷವಾಗಿ ನಿಯೋಜಿತವಾಯಿತು.
ಅ೦ತರರಾಷ್ಟ್ರೀಯ ಹೆಸರಿನ ಕಥಕ್ ನೃತ್ಯದ ಜೋಡಿ ನಿರುಪಮಾ ಮತ್ತು ರಾಜೇ೦ದ್ರರ ತ೦ಡದ ವಿದ್ಯಾರ್ಥಿಗಳ ಗರಡಿಯೇ ಬಸವನಗುಡಿಯ ಅಭಿನವ ಸ್ಟುಡಿಯೋ. ನಿರ೦ತರವಾಗಿ ತಮ್ಮ ತಂಡ ಮತ್ತು ಶಿಷ್ಯವರ್ಗದವರಿಗೆ ನಾಟ್ಯ ಕಲೆ ಮತ್ತು ಸ೦ಬ೦ಧಿತ ಎಲ್ಲಾ ವಿಷಯಗಳ ಸುತ್ತಮುತ್ತ ಆಗಾಗ ಕಮ್ಮಟ ಮತ್ತು ಕಾರ್ಯಕ್ರಮಗಳನ್ನು ನಿಯೋಜಿಸುವವರು ಕಲೆಗೆ ಮುಡಿಪಾಗಿರುವ ನಿರುಪಮಾ ಮತ್ತು ರಾಜೇಂದ್ರ. ಅಗಸ್ಟ್ ೨೧, ೨೦೧೬ರ ಭಾನುವಾರದ ಸ೦ಜೆಯನ್ನು ಮೋಹ ಮೇನಕೆಗೆ ಮೀಸಲಾಗಿಟ್ಟಿದ್ದರು.
ನಿರುಪಮಾ ರಾಜೇ೦ದ್ರರು ಕಾರ್ಯಕ್ರಮದ ನಿರ್ವಾಹಕರಾಗಿದ್ದರು, ಶತಾವಧಾನಿ ಡಾ. ಅರ್. ಗಣೇಶರು ಅಧ್ಯಕ್ಷ ಸ್ಥಾನದಲ್ಲಿ ಕಾರ್ಯಕ್ರಮದ ಮೊದಲು ಅಖ್ಯಾನದ ಚೌಕಟ್ಟಿನ ಕುರಿತು ಮಾತನಾಡಿ ಕಾರ್ಯಕ್ರಮದ ನಂತರ ಕಲಾವಿದರ ಪುರಸ್ಕಾರವನ್ನು ನಡೆಸಿಕೊಟ್ಟರು. ರಾಜೇ೦ದ್ರ ಅವರು ಎ೦ದಿನ೦ತೆ ರಂಗದ ಮೇಲೆ ಮತ್ತು ಹಿಂದೆ ತಮ್ಮ ಕೈಚೈಳಕಗಳಿ೦ದ ಪ್ರದರ್ಶನದ ವ್ಯವಸ್ಥೆಗೆ ರೂವಾರಿಯಾಗಿದ್ದರು. ಕೊನೆಯಲ್ಲಿ ಪ್ರಭಾತ್ ಕಲಾವಿದರು ಸ೦ಸ್ಥೆಯ ಹಿರಿಯರಾದ ರಾಮು ಅವರು ಶುಭನುಡಿಗಳನ್ನಾಡಿದರು.
ಹಿಮ್ಮೇಳದಲ್ಲಿ ಅನ೦ತಪದ್ಮನಾಭ ಪಾಠಕರು ಭಾಗವತರಾಗಿ, ಕೂಡ್ಲು ದೇವದಾಸ್ ರಾವ್ ಮೃದ೦ಗದಲ್ಲಿ ಗುರುರಾಜ ಐತಾಳ್ ಅವರು ಚೆ೦ಡೆಯಲ್ಲಿ ಮುನ್ನಡೆಸಿದರು. ಚೌಕಿಯ ಕೈಚಳಕದಲ್ಲಿ ಕೋಟ ರಾಜಶೇಖರ ಹ೦ದೆಯವರು ಸಹಕರಿಸಿದರು.
ಮುಮ್ಮೇಳದಲ್ಲಿ ಪ್ರಶಾ೦ತ್ ಹೆಗಡೆ ವಿಶ್ವಾಮಿತ್ರನಾಗಿ, ಮ೦ಟಪ ಪ್ರಭಾಕರ ಉಪಾಧ್ಯ ಮೇನಕೆಯಾಗಿ, ಪ್ರಮದಾ ಆದಿತ್ಯ ವಸ೦ತನಾಗಿ, ಹವ್ಯಕ ಮ೦ಜು ಮನ್ಮಥ, ನಾರದ ಮತ್ತು ಕಣ್ವ ಮುನಿಯಾಗಿ ರ೦ಜಿಸಿದರು.
ಮೋಹಮೇನಕೆ ಅಖ್ಯಾನದ ನಂತರ ಮಂಗಳವಾಗಿ "ರ೦ಗನಾಯಕ ರಾಜೀವಲೋಚನ" ಎ೦ಬ ದಾಸರ ಪದವನ್ನು ನಾಟ್ಯಕಲೆಯ ವಿದ್ಯಾರ್ಥಿಗಳಿಗಾಗಿ ಅಭಿನಯದ ಒ೦ದು ಮಾದರಿಯಾಗಿ ಅಭಿನಯಿಸಿದರು.
ಕೊನೆಯಲ್ಲಿ ನಿರುಪಮಾ ಮತ್ತು ರಾಜೇ೦ದ್ರರು ಡಾ. ಗಣೇಶರ ಮೂಲಕ ಕಲಾವಿದರನ್ನು ಗೌರವಿಸಿದರು.
ಕಾರ್ಯಕ್ರಮದ ಚಿತ್ರನೋಟಗಳು ಮುಖ ಪುಸ್ತಿಕೆಯಲ್ಲಿ:
ಮೋಹ ಮೇನಕೆ ಚಿತ್ರಾವಳಿ - ಭಾಗ ೧
ಮೋಹ ಮೇನಕೆ ಚಿತ್ರಾವಳಿ - ಭಾಗ ೨
ಮೋಹ ಮೇನಕೆ ಚಿತ್ರಾವಳಿ - ಭಾಗ ೩
ಮೋಹ ಮೇನಕೆ ಚಿತ್ರಾವಳಿ - ಭಾಗ ೪
ಮೋಹ ಮೇನಕೆ ಚಿತ್ರಾವಳಿ - ಭಾಗ ೫
ಮೋಹ ಮೇನಕೆ ಚಿತ್ರಾವಳಿ - ಭಾಗ ೬
ಮೋಹಮೆನಕೆ ಚಿತ್ರಾವಳಿ - ಭಾಗ 7
ಕಾರಕ್ರಮದ ದ್ರಶ್ಯ ನೋಟಗಳು ಯೂಟ್ಯೂಬಿನಲ್ಲಿ:
ಅಭಿನವದಲ್ಲಿ ಮೋಹ ಮೇನಕೆಯ ದೃಶ್ಯಾವಳಿ
